18sept
九一八當天除了是吉日, 連吉時分佈都非常好由11am開始, 連續三個吉時, 吉到5pm, 有充裕時間慢慢過大禮~
[兩家人馬陣容]
女家︰bbmm + 姑媽 + mm死黨男家︰bubu's 大姑媽 + 二姑媽 + 細佬 (as苦力+camera man)(你知道嗎? 男家代表不可以是6299 or 新郎, 必須是女性親戚, 最好是全福人)
大概十二點半, bubu就送他們到我家門口了~!
幸好有bubu細佬在, 幫我拍了多照片, 又有auntie幫我拍video =]
(蠢左, 應該再直接點, set個webcam在廳的電腦, 就可以安在房中直擊實況啦 ><)
我們的過大禮談不上是盛況, 連椰子都無 (因為mm話把鬼~)
不過看回照片, 覺得都幾好丫, 比上不足比下有餘 =]
這裡是男女家所有過禮回禮物品.大.晒.冷.
果籃 (同場加映後面的上頭套裝)
全部生果都是一雙一對的~
海味籃 ( + 紅酒&茶葉 not in photo)
有四式海味, 分別是鮑魚, 蝦乾, 冬菇, 瑤柱
62是識食識煮之人, 所以一定會買靚海味
mm拆開包裝袋的時候, 連我在房中都聞到陣陣極香蝦乾瑤柱味!
62叫我向大家介紹, 如果想買靚海味, 去德興啦~!
老字號, 貨真價實, 保證靚貨喎...
德興海味九龍油麻地吳淞街一號 (佐敦永安後面, 多層停車場對面)
唐餅 (金緣喜禮盒 x2, 鐵皮盒, 每盒六個)
本來打算用餅卡換金雅喜禮盒 x2 (硬紙盒, 每盒四個) 的, 不過bubu嫲嫲忽然又話八個回四個, 「四四聲」不好, 所以要過十二個回六個...
其他唐餅用餅卡代替, 和西餅卡一起放在禮金盒內過禮
除了椰子, 我們也沒有龍鳳對餅啊...本來我也打算用兩張銀色金雅喜餅卡換兩對餅的, 過完大禮之後要雪入雪櫃, 到婚前一晚上頭時再拿來用。
但因為我們過大禮過得早 (一個半月前+), mm提議不如過大禮時只過餅卡, 到上頭時才拿餅卡去換, 不用阻住雪櫃位又不用搬去出門酒店...99都贊成!
講完吃的, 之後就到對聯, 上頭用的紅頭繩
還有扁柏
我不知道原來這麼大棵, 多到上頭時插滿成個頭都可以啦...
62話用水養住就ok!
接著出場的是女家準備的回禮 - 一底鬆糕+十二個煎堆, bubu嫲嫲指定要求的(如果按傳統就應該再加大發、紅包)
好記性的blog友可能會記得我mm本來會蒸糕DIY︰
不過後來知道街市有得訂, 就索性訂鬆糕+煎堆, 再加個龍鳳盤
靚靚仔仔又大體, bubu嫲嫲見到好開心啊~!
新郎禮物 - 又一樣本來可以用利是代替但bubu嫲嫲要求真金白銀買實物...
(如果按傳統就應該再加長褲、皮帶)
過大禮前兩日去買的 sport b. 皮波鞋 + MUJI 銀包仔 (我無份 ><)
一輪影相拍片, 又拆又執, 擾攘大概大半小時, 完成過大禮程序...
我終於放監啦~!
拿拿臨出廳自己再排過靚陣再影過 =]
for bloggers' information, 買奇華餅卡可換領的禮金盒是這樣子的, 硬紙皮盒, 大小像一個扁鞋盒, 內有大中小囍字利是封各一連貼紙...免費的, 我覺得已經很好 =]
另外可以$200租用另一個奇華豪華版, 不過我未見過真身, 再不然就可以去金都/筍崗買個絨面禮金盒, 上有金字, 也很大體的。
btw, 請問有blogger對我過大禮用的一對禮籃有興趣嗎? 我想放售轉讓~
這是中上價hamper會用的籃子, bbmm & 6299 都不約而同地很喜歡這對禮籃, 高貴大方, 籃口低所以影相效果好, 而且可以自己親手揀最靚生果, 不用給生果店賺差價 (花店更甚)
如果你有留意, 有時生果店的果籃packing可以是很老土的...
一對兩個, 藤製, 深紅色, 內有一大餅紙碎條墊底, 上有一幅深紅色絲絨布蓋住, 可墊高籃內物品, 如不嫌棄可附圖中的深紅色絲帶及蝴蝶結。因太大件, 只能在某幾個MTR站交收。有興趣就私留我啦 =]